दानियल ७
मुल पद: "जवसम्म ती अती प्राचिन आएर सर्वोच्चको पवित्र जनहरुको पक्षमा इन्साफको घोषणा गरेन, अनि त्यसपछि समय आयो जव तिनिहरुले राज्यको अधिकार गरे" दानियल ७:२२दानियल २ मा हामीले हेर्यौंकि परमेश्वरको अस्तित्वमात्र होइन, ईतिहास पनि उहाँको हातमा छ । दानियल ७ ले यस तथ्यलाई वढि पुष्टी गर्दछ । दानियल ७ मा खासगरेर दानियल २ कै आधारशिलामा छ तर यसले जगतमा हुने ईन्साफ र येशूको दोश्रो आगमनको पुर्वाधारलाई थपिएको छ ।
दानियल ७ बुझ्न दानियल २ ले देखाउँदछ । " खासगरेर दानियलले देखेका २ र ७ का दर्शन एकैखालका हुन् । दुबै दर्शनले एकै थरिको ईतिहासको पुष्टीगर्दछ । एकले अर्को अध्यायलाई दाँजेर हेर्नुपर्दछ, यो बाईवलको भेद खुलाउने प्रणाली हो । त्यसकारण दानियल ७ बुझ्न दानियल २ पढ्न अत्यावश्यक छ ।" जाक दौखान, सिक्रेत अभ दानियल, पृ.१००
दानियल ७ मा अध्ययन गर्ने धेरै छन् तर यस भागमा दानियलले देखेका अभूतपुर्व भविष्यवाणीलाई सरसरती हेर्नेछौं र स्वर्गमा भएको निष्कर्षपुर्ण ईन्साफ र येशुको आगमण जो येशूभक्तहरुको महान आशा हो, त्यो कसरी पुरा हुने भएको छ सो अवलोकन गर्नेछौं ।
१॰ सपनामा देखाईयका दानियलका दर्शन
दानियल ७:१-१४ पढ्नुस र आफ्नै शब्दहरुमा त्यसको सारांश लेख्नुहोस:जव तपाँईले दानियल ७ पढ्नुहुन्छ तपाँईले दानियल २ को दर्शन संग समान्तर भएको पाउनुहुन्छ । जस्तै १॰ चार साम्राज्य २॰ अन्तिम साम्राज्यको जोडदार वर्णन ३॰ दुबै साम्राज्यको अन्त परमेश्वरको राज्य स्थापनामा हुने
यो बाहेक अरु कुरामा मिल्दोजुल्दो छ भने हेर्नुहोस ।
दानियल ७:१६,१७ मा सपनामा पाएको दर्शनको भेद बुझ्न आधारभूत अर्थ देखाएका छन् । दानियल २ संग कसरी मिलेको छ, ति के हुन् ?
दानियल ७ मा देखाइएका दर्शन दानियल २ को बिस्त्रित हो भन्नेमा बिवाद छैन । यसमा चार साम्राज्यहरुलाई बुझ्ने गरेर बर्णन गरीएको छ । दानियल ७ का जंगी पशुहरु र दानियल २ का साम्राज्यहरु एकै हुन् । बाईबलका पण्डितहरुले यसरी हेरेका छन् :
बेबिलोन ( सिंह )
मिद पर्सिया (भालु )
युनान अर्थात ग्रिस ( चितुवा )
रोमी साम्राज्य ( चौथो जघन्य पशु )
अन्तमा परमेश्वरको राज्य
दानियलले यो देखाएको छ कि उसले पाएका दर्शन ईतिहासलाई दुरदर्शनमा देखेका हुन । दानियलले पौराणिक कालदेखी अहिले र अन्तसम्मको ईतिहासको मानचित्र देखेको हो । यो तथ्य दानियल २ मा प्रष्टपारेको छैन भने ७ मा पारेको छ ।
हामी कति गौरान्वित र भाग्यमानी छौं किनभने हाम्रो परमेश्वरले संसारको ईतिहासलाई मात्र आफ्नो बसमा राख्नु भएको छैन, अहिले र पछि जे
भएतापनि उहाँले आफ्नो अनन्तको राज्य स्थापना गर्नुहुन्छ । त्यस राज्यमा पस्न तपाँईले के निश्चिता पाउनु भएको छ ।
२ चौथो जनावर
दानियल २ र ७ को बिचमा समानान्तर छ जस्लाई हामीले उपेक्षा गर्नुहुन्दैन । दानियल २ मा चौथी शक्ति फलाम जुन ग्रिसपछि उदय हुने उल्लेख गरिएको छ ( दानियल २:३२,३३, ३९-४५)। यो राज्य राजनैतिकरुपमा नभएपनि अर्कैरुपमा शक्तिसम्पन्न भईरहेको हुन्छ जव सम्म परमेश्वरको राज्य स्थापना हुन्दैन ।दानियल ७ मा चौथो जनावरको चित्रण गरिएको छ उ पनि युनान वा ग्रिस साम्राज्य पछिको साम्राज्य हो जुन संसारको अनन्तसम्म रहन्छ । अनि परमेश्वरको अनन्त राज्य खडा भएपछि त्यसको अन्त हुन्छ । ( दानियल ७:६,७, १९-२७ ) यो चौथो राज्य पृथ्विको अनन्तसम्म अर्कैशक्तिको रुपमा रहिरहन्छ ।
दानियल ७:१९-२७ पढ्नुहोस र तलको प्रश्नको जवाफ दिनुहोस:
• दानियल ७:१९ मा उल्लेख गरिएको चौथो जनावर र दानियल २:४० को साम्राज्य शक्तिको बिचमा के समानान्तर छ ?
• सानो सिंङ्ग कहाँबाट उब्जेको छ ?
• दानियल ७ को अनुसार सानो सिङ्गको शक्ति कसरी अन्त्य हुन्छ ?
दानियल ७ मा सानो सिङ्गको शक्तिको बारेमा अलि धेरै ब्याख्या गरेको पाउँछौ । यो शक्ति महत्वपुर्ण भएकोले बिस्त्रितरुपमा बर्णन गरेको हो । यो सिङ्ग चौथो महान शक्तिपछि उब्जेको शक्ति संसारको अन्तसम्म हुन्छ , अनि स्वर्गमा ईन्साफ भएपछि आफ्ना राज्य पृथ्विमा स्थापना पुर्व त्यस सिङ्गरुपी शक्तीको नाश हुनेछ ।
मानिसहरले धर्म राज्य यस संसारमा स्थापना गर्न खोज्दछ तर असफल भएको पाउँदछौं । परमेश्वरको अग्रसर र अन्तिम समय बिना कसैले धर्मको नाउँमा धार्मिक वा काल्पनिक आदर्श राज्य स्थापना गर्न सक्दैन ।
३॰ सानो सिङ्ग
दानियल ७ मा बेबिलोन, मिडपर्सिया र युनान वा ग्रिस साम्राज्य लगत्तै पछि परम प्रभु परमेश्वरलाई नमान्ने साम्राज्य रोमको उदय भएको पाउँदछौं । जव रोमी साम्राज्यको जगजगी भएकै बेलामा उसैको राज्यबाट सानो सिङ्गको प्रादुर्भाव भएको हुन्छ र उ रोमी साम्राज्यकै अर्को शक्तिसंतुलनको रुपमा देखापरेको हुन्छ । त्यो सानो सिङ्ग को हो त ? सुधारबादिले ( प्रोटेस्तेन्ट ) सर्बसम्मतमा यो निष्कर्षमा सहमतिमा अएको छ कि ति सानो सिङ्ग अरु कोही नभइकन रोमको पोपराज्य हो । ईसाई पण्डितहरुले यो निष्कर्षमा आउनु अघि यहुदी पण्डितहरुले रोमी साम्राज्यबाट निष्किएको सानो सिङ्ग चौथो जनावरको अर्को शक्ति भनेर पहिचान गरेका थिए । पोपको राज्यशक्तिबाहेक अरु कुने हुनै सक्दैन । येशूको पुनआगमण र बौरिउठ्नुमा आस्था वा बिश्वासमा भर पर्दछ भने पोपको शासन पद्धतिलाई पहिचाउन बिश्वासको आवस्यकता चाहिदैन ।निम्न पदहरुले त्यस सानो सिङ्गको स्वभावलाई चित्रण गरिएको छ । ति चित्रण अनुसार पोपिय पद्धतीसंग कति मिल्दछ सो हेर्नुहोस:
• सानो सिङ्ग सनातन धर्महिन रोमराज्य बाट उब्जिएको हुन्छ
दानियल ७:१९,२०
• त्यो सानो सिङ्ग परमेश्वरका जनहरुलाई सतावत दिनेछ र उनिहरुसंग लडाँई गर्नेछ साथै उनिहरुको बिरुद्ध प्रवल हुनेछ ।
दानियल ७:२१,२५
• त्यस सानो सिङ्गले परमेश्वरबाट ठहराईयका "समय र बिधानहरुलाई" बदलगर्न कोशिस गर्नेछ ।
दानियल ७:२५
• त्यस सानो सिङ्गले परमेश्वरलाई चुनौती दिएर उहाँको बिरुद्ध अपशब्द
बोल्ने छ । दानियल ७:२५
यि सबै स्वभावहरुलाई ईतिहासले जोडदार र प्रस्तरुपमा चित्रण गरिएको छ । त्यो सानो सिङ्ग को हो भन्ने चिन्ह गार्हो छैन। हो हामीले भविष्यबाणीहरु सिकाउँदा होशियार र कुतनिती अपनाउनु पर्दछ किनभने कसैलाई ब्यक्तिगतरुपमा चित्त दुखाउनु हुन्दैन, तर बाईबलले देखाएको सत्यलाई बिबादस्पद छ भनेर पन्छाउन खोज्दा आफ्नो आस्थालाई बिश्वासघाटतिर लग्नु हुन्दैन । (प्रकाश १३:१-९, १४:६-१२ )
४ समय, समयहरु र समयको बिभाजन
दानियल ७:२५ मा भनिएको छ "॰॰॰ पवित्र जनहरु साढे तीन बर्षसम्म उसको हातमा सुम्पिदिनेछन् ।" हिब्रु भाषामा यि साढे तिन बर्षलाई समय, समयहरु र समयको बिभाजन भनेका छन् ।एडभेन्तिष्ट मत भन्दा बाहिरकोले पनि समय, समयहरु र समयको बिभाजनको अर्थ साढे तिनबर्ष भनेर मानेका छन् । बाईबल अध्ययनका बिद्वान लेखक थोमास नेल्सनले भनेको छन् "दानियल र प्रकाशकालेखकहरुका बाक्यशैली समय, समयहरु र बिभाजित समयको अर्थ साढे तिनबर्ष अर्थात १२६० दिनहरु अथवा ४२ महिना हो "।
दानियल १२:७, प्रकाश ११:२, १२:६,१४, १३:५ पदहरुले दानियल ७:२५ को अर्थ १२६० दिनहरु हुन भनेर बुझाउँछ । अन्य बाईबलबिदहरुले जस्तै एडभेन्टिष्टहरुले पनि भविष्यवाणीमा एक दिनको अर्थ एक बर्ष भनेर मान्दछन् । यस सम्बन्धी पछिपनि हेर्नेछौं ।तर अहिले यो हेरौं कि दानियल ७ मा बिभिन्न प्रतिकहरु छन् जो अर्थपुर्ण छन् । जस्तै पखेटा भएको सिँह, फलामको दाँतहरु भएको जनावर, र आखाँहरु भएको सानो सिङ्ग । समय भविष्यबाणीमा यि बिबिध प्रतिकभएका बस्तुहरुसंग के सम्बन्ध छ सो बुझ्नु आबस्यक छ ।
१२६० बर्ष युरोपको ईतिहासले यो बताउँदछ कि रोमबाट शासन गरिएको पोपद्वारा परमेश्वरका बिश्वासी जनहरुलाई भयङ्कर सतावत दिएको थियो । यदि हामीले पोपको आधिपत्य सुरुभएको पाँचौ सताब्दीको अन्त वा छैठौं सताब्दीको सुरुभएको र १८ र्हौं सताब्दीकोको अन्त वा १९सौं को सुरुको ईतिहास हेर्यौं भने धर्मको नाउँमा राजनैतिक हस्तक्षेप गरेर उसको मतमा नलाग्ने लाखौंलाख परमेश्वरलाई केन्द्रबिन्दु बनाउन चाहने ईसाईहरुको जिवनलाई तहसनहस पारी अनेकौं सास्ती दिएर सहिद बनाएको पाउँदछौ ।
हेर्नुहोस फेरी १२६० बर्षको ईतिहासमा भविष्यवाणी गरेको अनुसार के के हुनुथियो र भयो: दानियल ७:२५-२७, ७:८-१०, २१,२२
सबै शक्तिसाली जनावरहरुलाई उछिनेर जव सानो सिङ्गको शक्तिप्रवर्धन हुन्छ स्वर्गमा ईन्साफको सुरुहुन्छ जसले येशूको दोश्रो आगमनतिर लम्काउँछ ।
एउटो चरमबुन्दा के थाहापाउनु पर्दछ भने दानियललाई के तथ्य दुरदर्शनबाट देखाइयो भने स्वर्गमाहुने ईन्साफ १२६० बर्षको अन्तमा सुरु हुन्छ । यस समय बिश्वासीहरुले पाउने बिषेश महानसंकष्टको अन्त्य १८ र्हौं सताब्दीको अन्त वा १९सौं सताव्दीको सुरुमा थियो अथवा येशूको आगमन अगाडी । यसरी हामीलाई ऐतिहासीक झझल्को दिएको छ जसले गर्दा सप्रमाण सहित हामी भन्न सक्दछौं कि परमेश्वरको न्याय कहिले सुरुभयो, सानो सिङ्गको शक्तिको अन्त्य कसरी हुन्छ र संसार कुन दिसामा गएर समाप्त हुन्छ ।
१२६० बर्ष लामो ईतिहास हो तैपनि यसले हामीलाई परमेश्वरप्रति आस्था र भविष्यको आशामा जागिरहन सक्दछौं ।
५ सिङ्ग, परमेश्वरको ईन्साफ र उहाँको राज्य
चौथौ बुंदामा दिएको घट्ना यस्तो महत्वपुर्ण छ कि दानियल सात अध्यायमा तिनपटक देखाइएको छ ।• दानियल ७:७-१०, १४ मा नियमितरुपमा सिङ्ग, परमेश्वरको ईन्साफ र परमेश्वरको राज्यको स्थापना देखाएको छ ।
• दानियल ७:१९-२७ मा फेरी त्यही चरणवद्धमा बर्णन गरेको छ ।
• दानियल ७:२४-२७ मा पनि त्यही रुपमा प्रस्तुत गरिएको छ ।
तिनपटक दानियललाई यसरी देखाइएको थियो:
सानो सिङ्ग
स्वर्गमा न्यायको दृष्य
परमेश्वरको राज्यको स्थापना
यदि यो ऐतिहासिक दृष्य अति महत्वपुर्ण नभएको भए परमेश्वरले दानियललाई तिनपटक डोर्याई डोर्याई देखाउनुहुने थिएन । मुख्यत हामीले अचम्भमान्नुपर्नेकुरा के छ भने सानो सिङ्गको साथै संसारको अन्त्यकसरी हुन्छ भनेर हामीलाई छर्लङ्ग पारेको छ । यो हो १२६० बर्षको अन्तमा र परमेश्वरको राज्यको स्थापना पुर्व परमेश्वरले गर्ने ईन्साफ सुरुहुन्छ । यसले सानो सिङ्गको सारा शक्तिलाई भस्मासुर पारेर भौगोलिक बिश्वको हुनेतथ्यको जानकारी हामीलाई दिइएको पाउँदछौं । दानियलले देखेका २ को बिश्व ईतिहासको दर्शनले पनि यहि देखाउँदछ ।
दानियलले संसारको अन्त्य कसैसंग सम्झौता गरेर होईन तर दुष्टमाथि सदाकोलागि बिजय प्राप्त गरेर हुन्छ । हामीले दैनिक जिवनमा दुष्टसंग मुकाविला गरिरहेका हुन्छौं तर परमेश्वरको शक्तिलाई काँधमा लिएर कुनै खराबीसंग सम्झौता नगरौं किनभने दुष्टलाई एकदिन सदाको लागि परमेश्वरले समाप्त गर्नुहुनेछ र त्यसमा हामी मुछ्नु आबश्यक छैन ।
अन्तमा बिश्व साम्राज्यको ईतिहास पल्टाउनुहोस र कसरी एक पछि अर्को साम्राज्यको अन्त्य भएको थियो । ईतिहासले निश्चित समयलाई तोकिएको हुन्छ किनकी ति ईतिहासका समय कुनै ठुलो घट्नालाई औल्याएको हुन्छ । तर मोतामोतिरुपमा बाईबलले ईतिहासको मानचित्र यसरी देखाईएको छ:
बेबिलोन साम्राज्य
(ईसापुर्व छैठौं सताब्दिमा अन्त भएको )
मिडिया पर्सिया
(ईसा पुर्व छैठौ सताब्दीको मध्यदेखी सुररु र ईसापुर्व मध्य चौठो सताब्दिमा अन्त भएको )
युनान अर्थात ग्रिस
(ईसापुर्व मध्य चौठो सताब्दिको सुरु र ईसापुर्व मध्य दोश्रो सताब्दी मा अन्त)
सतधर्म बिपक्ष रोमी साम्राज्य
(ईसापुर्व मध्य दोश्रो सताब्दी देखी सुरु र ईस्वि पाँचौं वा छैठौ सताब्दि मा अन्त )
पोपको साम्राज्य
( यसको अतिवादी धर्मशक्तीले ईसाईहरुलाई छैठौं सताब्दीदेखी सतावत सुरुगर्दछ र अठार्हौं सताब्दीमा सतावतको अन्त हुन्छ )
परमेश्वरले स्वर्गमा ईन्साफ सुरु गर्नुहुन्छ
येशूको दोश्रो आगमन
पोपको जगजगी अठार्हौ वा उन्नाईसौं सताब्दीमा अन्त भएन, बाईबलले हुन्छ पनि भनेको छैन । पोपले दिने सतावतमात्रै अन्तहुन्छ भनेको छ । प्रकाश १३ मा पोपले बिश्वासीहरुलाई कसरी दुख दिन्छ भनेको छ, यो पछिहेर्ने बिषय हो ।
दानियल ७ मा के स्पष्टपारेको छ भने पोपले परमेश्वरको जनहरुलाई दिने सतावत १२६० बर्षसम्म हुन्छ र त्यसको अन्तमा स्वर्गमा न्यायफैसलासुरु हुन्छ अनि परमेश्वरको अनन्तको राज्यको स्थापना हुन्छ । यो फैसला १८ र्हौं सताब्दीको अन्तमा वा १९सौं सताब्दीको सुरुभएर येशूको आममनमा अन्त्य हुन्छ ।
सोच्नुहोस:
• दानियल ७:२२ मा परमेश्वरका जनहरुको पक्षमा ईन्साफ गरेको भनेर जनाईयको छ यसले गर्दा परमेश्वरले गर्ने ईन्साफ हाम्रो लागि शुभसमाचार किन हुन्छ ?
• सानो सिङ्गको शक्तिलाई ईतिहासमा हेरेर परमेश्वरको जनहरु प्रति उसले गरेको दुरब्यबहारलाई सम्झौता नगरी बाईबलले देखाएको उसको चरित्रलाई कसरी औल्याउनुहुन्छ ?